Ku emigruan mbi 105 mijë kosovarë midis 2021 dhe 2023?
Liberalizimi i vizave ka përshpejtuar ikjen e të rinjve, duke krijuar mungesë kritike punëtorësh në sektorët privatë.
PRISHTINË — Mbi 105 mijë qytetarë e kanë lëshuar Kosovën nga viti 2021 deri në fund të vitit 2023, sipas të dhënave të Agjencisë së Statistikave të Kosovës. Trendi i emigrimit ka vazhduar, veçanërisht pas liberalizimit të vizave për Kosovën.
Teksa të rinjtë po largohen, kryetari i Sindikatës së Punëtorëve të Sektorit Privat, Jusuf Azemi, thotë se bizneset po mbesin pa punëtor. "Shumë projekte janë ngadalësuar për shkak të numrit të vogël të punëtorëve", tregon ai, duke shtuar se mungesa prek pothuajse çdo kategori — nga gastronomia e ndërtimtaria deri tek çdo drejtim tjetër.
Economisti Fidan Qerimi vëren se largimi i fuqisë punëtore lë pasoja në ekonominë vendore. Edhe ardhja e punëtorëve të huaj nuk e zëvendëson humbjen, sepse paratë dalin jashtë Kosovës: "Është një pjesë financiare e cila shkon jashtë vendit tonë", thotë ai. Gjermania mbetet destinacioni kryesor i kosovarëve që kërkojnë punë në Perëndim.
Burim: Zëri
— Redaksia ZHURMA