Si ndaloi 7 vjet pa shkuar në punë zyrtari i Kllokotit që merrte pagën?
Prokuroria e Gjilanit arrestoi zyrtarin për kulturë që dyshohet se përfitoi 39.231 euro pagë pa e ushtruar detyrën.
GJILAN — Prokuroria Themelore e Gjilanit ka njoftuar arrestimin e zyrtarit për kulturë në Komunën e Kllokotit, i dyshuar për keqpërdorim të pozitës zyrtare. I pandehuri S.S. dyshohet se ka pranuar pagë mujore nga buxheti i shtetit për rreth 7 vjet, ndonëse nuk është paraqitur në punë dhe nuk ka ushtruar asnjë aktivitet.
Sipas njoftimit të Prokurorisë, nga viti 2019 deri më 2 mars 2026, i dyshuari ishte i punësuar si zyrtar për kulturë, rini, sport dhe menaxher i bibliotekës së Kllokotit. Dëmi i shkaktuar buxhetit të Kosovës llogaritet në 39.231,21 euro.
Prokuroria ka filluar hetimet dhe brenda afateve kohore do të kërkojë masën e sigurisë pranë Gjykatës Themelore në Gjilan.
Burim: RTV21
— Redaksia ZHURMA