Zjarrfikësi lëndohet gjatë shuarjes së flakëve në një banesë në Ferizaj
Një zjarrfikës ka pësuar djegie në dorë gjatë intervenimit në një kompleks banesor në Ferizaj, ku u evakuuan dhjetëra banorë.
Redaksia ZHURMA · · 1 min lexim
FERIZAJ — Një zjarrfikës ka pësuar djegie në dorë gjatë intervenimit për shuarjen e flakëve që përfshinë një banesë në katin e katërt të një kompleksi banesor në Ferizaj, ndërsa banorët e ndërtesës u detyruan të qëndronin jashtë për më shumë se dy orë. Policia e Kosovës njoftoi se informata për rastin në rrugën “Sali Çeku” u pranua rreth orës 02:58 pas mesnatës, kur njësitet përkatëse dhe ekipet e emergjencës dolën në vendin e ngjarjes dhe evakuuan banorët.
Zëdhënësi i Policisë për rajonin e Ferizajt, Kanun Veseli, konfirmoi se zjarri u lokalizua dhe u shua plotësisht rreth orës 05:15, kohë kur banorët u lejuan të kthehen në banesat e tyre. Nga ky incident nuk ka persona civilë të lënduar, por janë shkaktuar dëme të konsiderueshme materiale. Me udhëzim të prokurorit kujdestar, rasti është iniciuar si “Incident zjarri”, kurse shkaqet e shpërthimit të flakëve pritet të sqarohen pas përfundimit të ekzaminimit forenzik nga hetuesit policorë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar