Sulm me koktej molotovi në një auto-sallon në Graçanicë
Dy persona të panjohur kanë hedhur një mjete digjëse në mes të veturave të ekspozuara dhe janë larguar me motoçikletë.
Redaksia ZHURMA · · 1 min lexim
Një auto-sallon në Graçanicë është bërë cak i një sulmi me koktej molotovi gjatë orëve të para të së shtunës. Sipas raportit të Policisë së Kosovës, ngjarja ka ndodhur rreth orës 01:00, kur dy persona të panjohur dyshohet se kanë hedhur mjetin shpërthyes në mes të veturave të ekspozuara brenda lokalit.
Pas hedhjes së mjetit, autorët janë larguar menjëherë nga vendi i ngjarjes me motoçikletë. Zjarri i shkaktuar është lokalizuar dhe shuar në kohë nga sigurimi i objektit, i cili ka përdorur aparatin për fikjen e zjarrit përpara se flakët të përhapeshin.
Autoritetet kompetente bëjnë të ditur se nga ky incident nuk ka persona të lënduar, ndërsa rasti po hetohet intensivisht për identifikimin dhe kapjen e autorëve.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar