Juventusi i hapur për largimin e Zhegrovës
27-vjeçari u transferua për 15.5 milionë euro, por nuk shënoi asnjë gol te "Zonja e Vjetër".
Redaksia ZHURMA · · 1 min lexim
PRISHTINË — Juventusi është i gatshëm të dëgjojë oferta për Edon Zhegrovën, i cili mund të largohet nga klubi italian gjatë këtij afati kalimtar. "Zonja e Vjetër" ende nuk ka pranuar ndonjë ofertë konkrete për sulmuesin kosovar, por drejtuesit janë të hapur për mundësinë e largimit të tij, raporton "Tuttomercato".
Zhegrova nuk shihet si futbollist kyç në projektin e trajnerit Luciano Spalletti, ndërsa edicionin e kaluar e përfundoi pa shënuar gol e pa asnjë asistim. Në të gjitha garat, 27-vjeçari zhvilloi vetëm 525 minuta lojë, duke u aktivizuar shpesh nga banka rezervë në pjesën e dytë.
Sulmuesi i Kosovës iu bashkua Juventusit në verën e kaluar, pasi u transferua nga Lille për 15.5 milionë euro, me kontratë të vlefshme deri në vitin 2030. Pa një ofertë konkrete në tryezë, largimi i tij mbetet i papërfunduar.
Burim: Sinjali
— Redaksia ZHURMA
