Çfarë i ndodhi 20-vjeçarit nga Podujeva?
Policia e Kosovës nisur hetimet pasi familja raportoi largimin e vajzës së bashku me një shtetas të Shqipërisë
— PRISHTINË — Policia e Kosovës ka nisur hetimet për zhdukjen e një 20-vjeçareje nga Podujeva, pasi familja raportoi se ajo është larguar nga shtëpia prej disa ditësh dhe nuk ka më asnjë kontakt me të. Burimet e Sinjalit bëjnë të ditur se bëhet fjalë për B. A. (20-vjeç), largimin e së cilës e ka denoncuar babai i saj, B. A (48-vjeç). Sipas kallëzimit, B. është larguar nga shtëpia më 1 korrik 2026, së bashku me një person të identifikuar si Vesel Bollo, për të cilin familja pretendon se është shtetas i Republikës së Shqipërisë.
Babai ka deklaruar se që nga dita e largimit nuk ka pasur asnjë kontakt me vajzën dhe se, pavarësisht kërkimeve në Podujevë dhe Prishtinë, nuk ka arritur ta lokalizojë. Familjarët kanë njoftuar gjithashtu Policinë se B. ka probleme shëndetësore, çka e bën rastin edhe më shqetësues.
Me urdhër të Prokurorit të Shtetit, është iniciuar rasti “Person i zhdukur”, ndërsa Policia ka nisur veprimet operative dhe hetimore për gjetjen e 20-vjeçares dhe sqarimin e rrethanave të largimit të saj.
Burim: Sinjali
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.