Zgjedhjet në SHBA: 52 milionë votues dhe 11.6 miliardë dollarë shpenzime

Kanë mbetur vetëm 48 orë nga dita zyrtare e votimit për zgjedhjet e mesmandatit në SHBA më 3 nëntor, një proces që shërben si referendum mbi dy vitet e para të mandatit të dytë të Presidentit Donald Trump. Platformat e gjurmimit elektoral tregojnë se mbi 52 milionë amerikanë kanë hedhur tashmë votën e tyre përmes postës ose qendrave të votimit të parakohshëm, duke lënë pas rekordin prej 46 milionë votash të vitit 2022.

Vëmendjen kryesore e merr Teksasi, ku mbi 7.4 milionë qytetarë kanë votuar para kohe, ndërsa gara në këtë shtet mes demokratit James Talarico dhe republikanit Ken Paxton për Senatin ka thyer rekorde me rreth 150 milionë dollarë të mbledhura. Në shkallë vendi, ky cikli elektoral është shndërruar në më të kushtueshmin në historinë moderne, me një fushaturë që ka kaluar shifrën prej 11.6 miliardë dollarësh në shpenzime dhe reklama.

Sipas të dhënave, Elon Musk kryeson si donatori më i madh republikan me mbi 446 milionë dollarë, kurse ish-kryebashkiaku i Nju Jorkut, Michael Bloomberg, ka investuar 116 milionë dollarë për kandidatët dhe organizatat demokrate. Përballë sondazheve që tregojnë rënie të popullaritetit në 40% dhe avantazh të lehtë të demokratëve, Presidenti Trump ka intensifikuar fushatën duke kërkuar angazhim maksimal nga mbështetësit me thirrjen: «Shtiruni sikur emri im është në fletën e votimit».