Moska refuzon zgjatjen e armëpushimit në Oleski, Kievi konfirmon vendimin

Rusia ka refuzuar kërkesën e Ukrainës për zgjatjen e armëpushimit në qytetin e Oleskit, në jug të vendit, i cili ndodhet nën kontrollin e forcave ruse. Lajmi është konfirmuar nga një zyrtar i lartë i Presidencës ukrainase për agjencinë e lajmeve AFP, i cili tha se Moska nuk pranoi vazhdimin e marrëveshjes.

«Ne bëmë një propozim për ta zgjatur këtë armëpushim, por rusët nuk e duan atë», deklaroi zyrtari ukrainas, duke shtuar se përpjekjet diplomatike nuk morën përgjigje pozitive nga pala ruse. Sipas burimeve, armëpushimi ishte parashikuar të përfundonte mbrëmjen e së dielës, ndërsa refuzimi i Moskës lë të hapur mundësinë e rifillimit të luftimeve në këtë zonë dhe shton pasigurinë mbi situatën e sigurisë.