Zemaj: Shëndetësia nuk është prioritet, është rritur hajnia
Armend Zemaj ka akuzuar Arben Vitinë për paaftësi dhe keqpërdorim në shëndetësi.
Redaksia ZHURMA · · 1 min lexim
Ish-ministri i Shëndetësisë dhe deputeti i LDK-së, Armend Zemaj, ka deklaruar se shëndetësia nuk paraqet prioritet për qeverinë aktuale. Sipas tij, krahas rritjes së buxhetit për këtë sektor, është rritur edhe ajo që ai e ka quajtur «hajni».
Zemaj ka përmendur zgjatjen e listave të pritjes dhe shtimin e mungesës së barnave e të materialit shpenzues, duke ngritur shqetësime edhe për tenderomaninë e papërgjegjësinë. Ai e ka vënë në shënjestër ministrin Arben Vitia për keqmenaxhim dhe paaftësi, duke theksuar se ndonëse buxheti është rritur për 300 për qind, aq janë rritur edhe çmimet e barnave kundër kancerit.
