Zelensky shkarkon ambasadorët e Ukrainës në Shqipëri, Kroaci e Mal të Zi
Përfundon edhe mandati i ambasadorëve në Kroaci dhe Mal të Zi, pas shkarkimit të diplomates në SHBA.
KIEV — Presidenti i Ukrainës, Volodymyr Zelensky, ka shkarkuar ambasadorin e vendit në Shqipëri, Volodymyr Shkurov, i cili shërbente në këtë detyrë që nga prilli i vitit 2020. Përmes dekreteve presidenciale, Zelensky ka përfunduar gjithashtu mandatet e ambasadorit të Ukrainës në Kroaci, Vasyl Kyrylych, si dhe të ambasadorit në Mal të Zi, Oleh Herasymenko.
Këto lëvizje të rëndësishme në diplomacinë ukrainase vijnë vetëm pak ditë pasi, më 3 gusht, Zelensky shkarkoi edhe ambasadoren e vendit në Shtetet e Bashkuara, Olha Stefanishyna. Pas largimit, Gjykata e Lartë Kundër Korrupsionit në Ukrainë vendosi ndaj saj një masë hetimore me kusht pagese të një garancie prej 6 milionë hryvni, rreth 134 mijë dollarë.
Ish-ambasadorja Stefanishyna dyshohet për pasurim të paligjshëm dhe deklarim të rremë të pasurisë, por ajo ka deklaruar se nuk zotëron mjete të mjaftueshme financiare për të paguar shumën e caktuar.
Burim: Sinjali
— Redaksia ZHURMA
