Kush është Zekim Istogu dhe çfarë synon si kryetar i Shoqatës së Naftëtarëve?

PRISHTINË — Shoqata e Naftëtarëve të Kosovës, në kuadër të Odës Ekonomike të Kosovës, ka zgjedhur kryesinë e re të saj. Në krye të Shoqatës për pjesën e parë të mandatit është zgjedhur Zekim Istogu, përfaqësues i IP-KOS SH.P.K.

Prioritetet e udhëheqjes së re përfshijnë adresimin e sfidave të sektorit të naftës dhe derivateve, avancimin e bashkëpunimit ndërmjet kompanive, përmirësimin e kushteve të të bërit biznes, si dhe fuqizimin e dialogut institucional. Fokusi do të jetë gjithashtu në mbrojtjen e interesave të bizneseve anëtare, rritjen e standardeve të tregut dhe krijimin e ambientit më të favorshëm për investime.

Oda Ekonomike e Kosovës ka ripohuar përkushtimin për mbështetjen e sektorëve strategjikë dhe forcimin e rolit të komunitetit të biznesit në zhvillimin ekonomik të vendit.

Burim: Telegrafi
— Redaksia ZHURMA