Ylli Pjetërnikaj bëhet kandidati i tretë për Kryeprokuror
Afati për aplikimet mbyllet më 1 gusht, ndërsa Këshilli i Lartë i Prokurorisë do t'i verifikojë kandidatët deri më 14 gusht.
TIRANË — Ylli Pjetërnikaj ka dorëzuar aplikimin për postin e Prokurorit të Përgjithshëm, duke u bërë kandidati i tretë që shpreh zyrtarisht interes për këtë detyrë. Afati për dorëzimin e kandidaturave mbyllet më 1 gusht, në orën 00:00.
Përpara tij, kandidaturat i kishin dorëzuar Rovena Zoto dhe prokurori i SPAK, Adnan Xholi, duke e çuar në tre numrin total të aplikantëve për postin më të lartë të prokurorisë shqiptare.
Pas mbylljes së aplikimeve, anëtarët e Këshillit të Lartë të Prokurorisë do të kenë afat deri më 14 gusht për të verifikuar kandidatët dhe për të përcaktuar cilët prej tyre plotësojnë kushtet e kriteret ligjore.
Burim: Euronews Albania
— Redaksia ZHURMA