Auron Tare: Ish-ambasadorja amerikane me ndikim në Tiranë kishte një zyrë të vogël në Uashington

Studiuesi dhe historiani Auron Tare ka ndarë një episod nga përvoja e tij lidhur me një ish-ambasadore amerikane në Shqipëri, duke vënë në pah kontrastin mes ndikimit të saj të madh në Tiranë dhe pozicionit modest në administratën në Uashington. Gjatë një interviste në emisionin «Off the Record» me Andrea Danglli në A2CNN, ai u shpreh se qëndrimet e diplomates në Shqipëri gjenin përgjithësisht zbatim dhe se ajo kishte një ndikim të konsiderueshëm.

Sipas Tares, gjatë një vizite që ai pati bërë para disa vitesh në Uashington, ai e kishte ftuar për një kafe dhe ajo e kishte ftuar në departament ku punonte. Ai përshkroi se si në fund të një korridori të gjatë, në një zyrë shumë të vogël afër tualetit, ndodhej ish-ambasadores amerikane në Shqipëri, duke e ilustruar këtë si tregues të interesit amerikan për vendin.