Xhixho denoncon dhunën ndaj studentit: Persona të maskuar i vunë thikën në fyt

Deputetja e Partisë së Lirisë, Erisa Xhixho, ka bërë publike një ngjarje të rëndë lidhur me dhunën e pretenduar ndaj një studenti të Inxhinierisë që kishte marrë pjesë në protestat kundër qeverisë. Sipas saj, i riu është marrë me forcë në rrugë nga persona të maskuar, të cilët i kanë vendosur një thikë në fyt dhe kanë diskutuar mes tyre nëse duhet ta vrisnin.

Deputetja ka deklaruar se studenti është mbajtur për tri ditë në komisariat, ku ka përjetuar terror psikologjik dhe dhunë. Ajo e ka cilësuar dëshminë si alarmante dhe ka kërkuar ndërhyrjen e Prokurorisë për të hetuar ngjarjen, duke kërkuar identifikimin e përgjegjësve dhe zbardhjen e urdhrave të mundshëm.

Në reagimin e saj, Xhixho ka theksuar se ky rrëfim shkon përtej dhunës së parë më parë në rrugë e sheshe dhe kërkon hetim të menjëhershëm për tentativa të mundshme vrasjeje.