Wendt: E ardhmja e Shqipërisë i përket rinisë së saj

TIRANË — Ambasadori i Shteteve të Bashkuara të Amerikës në Tiranë, Eric Wendt, zhvilloi një takim me studentët e Institutit të Teknologjisë të Rochester-it në Akademinë Amerikane të Teknologjisë në Tiranë, ku u njoh nga afër me mënyrën se si arsimi amerikan dhe inovacioni po përgatisin brezin e ri për të marrë role drejtuese. Vizita në Tiranë u zhvillua në një kohë kur studentët kanë dalë në shesh dhe në protestë duke kërkuar ndryshime politike, ndërsa diplomati dëgjoi idetë dhe propozimet e të rinjve për hapat konkretë që mund të ndihmojnë në zhvillimin e vendit.

Gjatë këtij takimi, ambasadori u njoh me mënyrën se si edukimi i nivelit më të lartë po i përgatit të rinjtë për të udhëhequr. Sipas njoftimit të ambasadës, «E ardhmja e Shqipërisë i përket rinisë së saj. Ambasadori Eric Wendt u takua me studentët e Institutit të Teknologjisë të Rochester-it në Akademinë Amerikane të Teknologjisë në Tiranë (AATT) për të parë nga afër se si edukimi amerikan i nivelit më të lartë dhe inovacioni po i përgatisin ata për të udhëhequr, dhe dëgjoi idetë e tyre për hapat konkretë që mund ta çojnë Shqipërinë përpara».