Presidenca e emëron Sami Kurteshin këshilltar ligjor të Haxhiut, pa njoftim publik

PRISHTINË — Sami Kurteshi është emëruar këshilltar ligjor i ushtrueses së detyrës së presidentes, Albulena Haxhiu, siç del nga faqja zyrtare e Presidencës. Emërimi nuk është shoqëruar me asnjë njoftim publik zyrtar nga institucioni. Kurteshi ka qenë për vite me radhë anëtar i Komisionit Qendror të Zgjedhjeve (KQZ), i emëruar nga radhët e Lëvizjes Vetëvendosje.

Vetëvendosje erdhi në pushtet me premtime kundër nepotizmit dhe “familjarizmit” në detyra zyrtare, shkruan Gazeta Metro, e cila e sheh emërimin si një tjetër rast të “rehatimit” të njerëzve të vet nëpër poste shtetërore.

Burim: Gazeta Metro
— Redaksia ZHURMA