Vonesa deri në 40 minuta në pikat kufitare Bogorodicë dhe Dojran
Ku regjistrohen pritjet më të gjata për të dalë nga Maqedonia e Veriut?
BOGORODICË — Qarkullimi në të gjitha rrugët shtetërore të Maqedonisë së Veriut po zhvillohet pa pengesa dhe në rrugë kryesisht të thata. Megjithatë, një frekuencë e shtuar e automjeteve është regjistruar në pikat kufitare në Bogorodicë dhe Dojran, ku shoferët po përballen me pritje të gjata.
Sipas të dhënave të fundit nga Lidhja Auto-Moto e Maqedonisë, koha e pritjes për të dalë nga vendi në këto dy pika kufitare arrin deri në 40 minuta. Në vendkalimet e tjera kufitare shtetërore nuk raportohen vonesa apo pritje të zgjatura për hyrje ose dalje.
Për shkak të rrezikut nga rrëshqitjet e dheut, LAMM apelon për kujdes të shtuar në lugina e zona malore, veçanërisht në akset Katllanovë–Veles, Mavrovë–Dibër–Strugë, Vinicë–Berovë dhe Koçan–Dellçevë. Drejtuesve të automjeteve u kërkohet respektimi i shpejtësisë dhe i sinjalistikës.
Burim: Tetova Sot
— Redaksia ZHURMA