Vërtopi: Mbrojtja e Thaçit mund t'i drejtohet Kushtetueses
Aktgjykimi ndaj ish-presidentit Hashim Thaçi komentohet nga avokati Florin Vërtopi.
Redaksia ZHURMA · · 1 min lexim
Aktgjykimin ndaj ish-presidentit Hashim Thaçi, i cili përfshiu një dënim me 17 muaj burgim për shkelje të fshehtësisë së procedurës, tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës, e ka komentuar avokati Florin Vërtopi. Gjatë diskutimit rreth procesit, ai ka ngritur shqetësime se pranimi i transkripteve dhe audioincizimeve si prova ka cenuar privatësinë, ndërsa gjykata nuk i kishte përjashtuar ato.
Vërtopi ka vënë në pah edhe çështjen e zbatimit të legjislacionit penal, duke theksuar se sipas nenit 15 të Ligjit për Dhomat e Specializuara për veprat e tjera në Republikën e Kosovës duhej të ishte zbatuar Kodi Penal i vitit 2012 që konsiderohet më i favorshëm, ndërsa në aktakuzë dhe në vendim është përdorur ai i vitit 2019. Lidhur me hapat e ardhshëm juridikë, ai ka shtuar se në rast se Gjykata e Apelit e refuzon ankesën e mbrojtjes, çështja mund të dërgohet në Dhomën e Veçantë të Gjykatës Supreme dhe Gjykatës Kushtetuese për shkak të shkeljes së të drejtave të njeriut.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar