Vendimi në gjyqin e dytë ndaj Thaçit dhe të tjerëve jepet nesër
Gjykata Speciale në Hagë pritet të shpallë vendimin për ish-presidentin Hashim Thaçi dhe katër të akuzuar të tjerë.
Redaksia ZHURMA · · 2 min lexim
Gjykata Speciale në Hagë do të shpallë vendimin për gjykimin e dytë ndaj ish-presidentit të Kosovës, Hashim Thaçi, dhe katër të akuzuarve të tjerë për tentim pengimi të drejtësisë. Në këtë proces gjyqësor, përveç Thaçit, të akuzuar janë edhe ish-drejtor i Agjencisë së Kosovës për Inteligjencë, Bashkim Smakaj, ish-kryetari i Malishevës, Isni Kilaj, veterani i UÇK-së, Fadil Fazliu, si dhe ish-ministri i Drejtësisë, Hajredin Kuçi.
Procesi është udhëhequr nga gjykatësi i vetëm Christopher Gosnell, ndërsa aktakuza për këtë çështje u dorëzua më 5 dhjetor 2024. Gjatë këtij gjykimi janë mbajtur 11 ditë seanca, janë dëgjuar katër dëshmitarë dhe janë paraqitur pesë dëshmi me shkrim. Zyra e Prokurorit të Specializuar kishte kërkuar gjashtë vjet burgim për Thaçin, nga tri vjet për Smakajn, Kilajn dhe Fazliun, si dhe nëntë muaj për Kuçin. Në fjalët përfundimtare të mbajtura në shtator, avokatja e Thaçit, Sophie Menegon, kërkoi që vendimi të bazohet në prova. «Ne kërkojmë që vendimi juaj të bazohet në prova dhe jo spekulime, dhe të jetë lirim nga të gjitha akuzat», tha Menegon.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar