Ndahet nga jeta djali i Mark Hughes në moshën 38-vjeçare
Kush ishte Alex Hughes, djali i ish-futbollistit të njohur anglez që u nda tragjikisht nga jeta në moshën 38-vjeçare?
LONDËR — Një lajm tragjik ka goditur familjen e ish-sulmuesit dhe trajnerit të mirënjohur Mark Hughes, pasi djali i tij, Alex Hughes, është ndarë nga jeta në moshën 38-vjeçare. Lajmi i rëndë, i cili ka tronditur futbollin anglez, u konfirmua nga burime të afërta me familjen që kërkuan privatësi të plotë.
Sikurse babai i tij, Alex Hughes luajti si futbollist në skuadra si Stockport County dhe Wrexham. Ai vendosi t’i jepte fund karrierës si lojtar aktiv pikërisht për të nisur punën e re në analizën e ndeshjeve dhe në rekrutimin e lojtarëve të rinj.
Në rolin e tij si analist dhe rekrutues, ai punoi për skuadrat e Blackburn, Manchester City dhe Fulham, të cilat në atë kohë drejtoheshin të gjitha nga babai i tij, Mark Hughes. Së fundmi, ai u zhvendos në Portugali ku drejtonte një akademi private futbolli.
Burim: IndeksOnline
— Redaksia ZHURMA