Zjarri në deponinë e Sferkës vazhdon, FSK ndihmon me makineri të rënda
Drejtori i Drejtorisë për Mbrojtje dhe Shpëtim në Komunën e Pejës Luan Voci deklaron se intervenimi po vazhdon me intensitet të lartë
Redaksia ZHURMA · · Përditësuar · 1 min lexim
PEJË — Punët për shuarjen e zjarrit në deponinë e mbeturinave në Sferkë të Pejës po vazhdojnë pa ndërprerje, ndërsa ekipet emergjente janë duke punuar për vënien e plotë të situatës nën kontroll. Drejtori i Drejtorisë për Mbrojtje dhe Shpëtim në Komunën e Pejës, Luan Voci, ka bërë të ditur për Radio Pejën se intervenimi në këtë zonë po vazhdon me intensitet të lartë.
Sipas Voci-t, ekipet e angazhuara janë duke bashkëpunuar me Forcën e Sigurisë së Kosovës (FSK) dhe duke përdorur makineri të rënda për të lokalizuar dhe shuar plotësisht vatrat e zjarrit. Prioritet mbetet eliminimi i rrezikut dhe stabilizimi i plotë i gjendjes në këtë zonë.
Burim: Epoka e Re, https://www.epokaere.com/2026/07/29/vazhdon-puna-per-shuarjen-e-zjarrit-ne-deponine-e-mbeturinave-ne-sferke-te-pejes/ — Redaksia ZHURMA
