Çfarë shkakton valën e re të nxehtë në Zvicër?
Temperatur deri në 35 gradë, alarm për valë të nxehti në disa rajone frëngjishtfolëse
— Zvicra është gati të përjetojë një valë të re të nxehti. Kjo ka filluar tashmë në jug. Nga e marta, do të prekë veriun dhe perëndimin e vendit, me temperatura deri në 35 gradë, njoftoi të hënën MétéoSuisse. Në veri të Alpeve, vala e të nxehtit pritet nga e marta, së pari në Zvicrën veriperëndimore dhe në Pllajë, në rajonin e Bazelit, në kantonet e Gjenevës dhe Vaud dhe në rajonin e Tre Liqeneve.
Rrafshnaltat e tjera në veri të Alpeve duhet të preken nga e enjtja, thotë Zyra Federale e Meteorologjisë dhe Klimatologjisë MétéoSuisse në faqen e saj të internetit. Stuhi të mundshme në fund të javës Alarmet e Nivelit 3 janë të vlefshme për momentin të paktën deri të hënën, 13 korrik.
Temperaturat minimale të natës duhet të jenë midis 15 dhe 23 gradë në varësi të rajonit, shkruan RTS. Në zonat urbane, do të jetë më ngrohtë natën për shkak të rrezatimit termik më të ngadaltë, transmeton albinfo.ch. Në jug të Alpeve, temperaturat e larta janë ndjerë që nga e diela. Maksimumi luhatet midis 31 dhe 34 gradë, ose edhe më shumë lokalisht në disa lugina Tissin.
Burim: Gazeta Express, https://www.gazetaexpress.com/nje-vale-e-re-nxehtesie-godet-zvicren-alarm-per-vale-te-nxehti-ne-disa-rajone-frengjishtfolese/