Ku performon violinistja shqiptare Uendi Reka?
Nesër në festivalin Carniarmonie në Itali si pjesë e Trio Lumina
Uendi Reka, violinistja shqiptare që jeton dhe zhvillon karrierën e saj artistike në Trieste të Italisë, vazhdon të afirmohet në skenën ndërkombëtare të muzikës klasike me paraqitje në festivale dhe ansamble të njohura. Pas një rrugëtimi të suksesshëm të shoqëruar me çmime kombëtare dhe ndërkombëtare, si dhe angazhimeve me FVG Orchestra, artistja shqiptare do të ngjitet nesër në skenën e festivalit prestigjioz Carniarmonie 2026, ku do të performojë si pjesë e Trio Lumina.
Në skenë, Uendi Reka do të interpretojë së bashku me violonçelistin Tommaso Valerio dhe pianisten Marina Miani. Paraqitja në një nga festivalet më të njohura të muzikës klasike në rajonin Friuli Venezia Giulia përbën një tjetër sukses të rëndësishëm për violinisten shqiptare, duke dëshmuar talentin dhe përkushtimin e saj në arenën ndërkombëtare.
— Burim: Albinfo.ch, https://www.albinfo.ch/violinistja-shqiptare-uendi-reka-ngjitet-ne-skenen-e-festivalit-prestigjioz-carniarmonie-ne-itali/ — Redaksia ZHURMA
