10 zjarre në Maqedoni — 3 vatra mbeten aktive
Gjithsej 10 zjarre u regjistruan sot deri në orën 19:00; shtatë të tjerat janë shuar plotësisht.
Redaksia ZHURMA · · Përditësuar · 1 min lexim
SHKUP — Në territorin e Maqedonisë sot deri në orën 19:00 u regjistruan gjithsej 10 zjarre në ambiente të hapura. Tri vatra janë ende aktive, ndërsa shtatë të tjerat janë lokalizuar dhe shuar plotësisht, sipas Qendrës për Menaxhim me Kriza (QMK).
Zjarret aktive ndodhen në Komunën e Zhelinës, pranë fshatit Leshnicë e Epërme, ku zjarri ka përfshirë bar të thatë dhe pyll të përzier; në Komunën e Vallandovës, pranë fshatit Udovë përgjatë lumit Vardar, ku digjet bimësi e ulët; dhe në Komunën e Dollnenit, ndërmjet fshatrave Cërnilisht dhe Strovija, ku digjet bar i thatë dhe mbeturina. Ndërhyrjet zjarrfikëse u kryen në komunat Dollnen, Kavadar, Kërçovë, Delçevë dhe Zhelinë, si dhe në dy lokacione në rajonin e Gostivarit.
Burim: Telegrafi
— Redaksia ZHURMA
