Tre cisterna furnizojnë Gostivarin, uji mbetet i papijshëm
Mostrat e Institutit për shëndet publik ende shfaqin bakterie; uji lejohet vetëm për përdorim teknik.
GOSTIVAR — Tre cisterna me ujë të pijshëm dhe teknik u angazhuan sot për nevojat e qytetit, njoftoi drejtori i Drejtorisë për mbrojtje dhe shpëtim, Stojançe Angellov.
Njëra cisternë është e NJZT Gostivar, një e Bektel dhe Enka dhe e treta nga Bogovina. Deri tani kanë bërë nga dy herë qarkullim drejt qytetarëve dhe planifikohet edhe dy herë të tjera deri në mbrëmje. Distribuimi bëhet në koordinim me Shtabin komunal për mbrojtje dhe shpëtim.
Angellov përsëriti se gjendja nuk ka ndryshuar: uji ende nuk është i pijshëm, pasi disa mostra të Institutit për shëndet publik rezultojnë me bakterie. Ai mbetet i lejuar vetëm për përdorim teknik, ndërsa hiperklorifikimi vazhdon dhe së shpejti pritet të shpallet i rregullt.
Burim: Shenja
— Redaksia ZHURMA
