Çfarë mesazhi dërgoi Thaçi nga Haga për Kosovën?
Ish-presidenti vazhdon të jetë "i vendosur dhe optimist" për rikthim, sipas zëvendësit të tij në PDK që e vizitoi në Hagë.
HAGË — Ish-kryetari i PDK-së Hashim Thaçi i ka dërguar një mesazh qytetarëve të Kosovës nga qelia në Hagë, përmes ish-deputetit Gazmend Krasniqi, i cili e vizitoi atë këtë javë.
Krasniqi shkroi në rrjetet sociale se vizita kishte për qëllim mbështetjen ndaj ish-krerëve të UÇK-së në fazën përfundimtare të procesit gjyqësor. Sipas tij, Thaçi vazhdon të mbetet "i vendosur dhe optimist, me bindjen se shumë shpejt do të rikthehet në Kosovë."
"Ka momente kur qëndresa shndërrohet në frymëzim, e ky është padyshim një prej tyre. Nga Presidenti keni të fala dhe një porosi: Besoni në Kosovë!", citoi Krasniqi fjalët e Thaçit.
Thaçi po përballet me akuza për krime lufte në Gjykatën Speciale, ndërsa procesi po i afrohet fazës përfundimtare.
Burim: RTV21, https://rtv21.tv/hashim-thaci-t%d1%91-fala-nga-haga-besoni-ne-kosove/
— Redaksia ZHURMA