Tensioni te Kryeministria, FNSH dhe Shqiponja shoqërojnë me forcë protestuesit
Forcat e rendit ndërhyjnë në bulevard për të larguar qytetarët nga rruga, ndërsa protestuesit kundërshtojnë dhunën dhe këmbëngulin te tubimi paqësor.
Redaksia ZHURMA · · 1 min lexim
Forcat e ndërhyrjes së shpejtë dhe efektivët e forcës “Shqiponja” kanë ndërhyrë në bulevardin “Dëshmorët e Kombit”, duke krijuar një kordon policor për të rrethuar dhe shtyrë me forcë drejt trotuarit pranë godinës së Kuvendit qytetarët e mbledhur përballë Kryeministrisë. Gjatë këtij aksioni, në ditën e 173-të të protestës antiqeveritare, janë regjistruar edhe disa shoqërime me forcë të qytetarëve.
Protestuesit kanë kundërshtuar veprimet e policisë, duke e cilësuar ndërhyrjen të pajustifikuar dhe duke këmbëngulur se tubimi i tyre është paqësor dhe se kanë njoftuar për zhvillimin e tij. Nga ana e tyre, forcat e rendit kanë kërkuar që të mos bllokohet qarkullimi i automjeteve në bulevard, ndërsa më herët janë gjobitur dhjetra protestues. Ndërkohë, për datën 28 nëntor është thirrur mbajtja e një proteste të madhe, e cila ka marrë mbështetje edhe nga forcat politike opozitare.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar