Ambasada e Zvicrës: Marrëveshja me EFTA-n hap mundësi për bizneset kosovare
Marrëveshja e Tregtisë së Lirë ndërmjet EFTA-s dhe Kosovës ka hyrë në fuqi më 1 tetor.
Redaksia ZHURMA · · 1 min lexim
Marrëveshja e Tregtisë së Lirë mes EFTA-s dhe Kosovës, e cila ka hyrë në fuqi më 1 tetor, krijon mundësi të reja për sektorin privat dhe bizneset kosovare. Me këtë rast, është mbajtur një seminar nga Ministria e Industrisë, Ndërmarrësisë, Tregtisë dhe Inovacionit në bashkëpunim me Sekretariatin e EFTA-s, ku u diskutua zbatimi i kësaj marrëveshjeje.
Në këtë ngjarje morën pjesë përfaqësues të institucioneve, bizneseve dhe ekspertë për të shqyrtuar mundësitë që krijohen për ekonominë e vendit. Zëvendësshefi i Misionit të Zvicrës, Christoph Fuchs, theksoi rëndësinë e marrëveshjes për forcimin e lidhjeve ekonomike, lehtësimin e tregtisë dhe hapjen e dyerve për bizneset kosovare në tregjet e vendeve të EFTA-s.
Ambasada e Zvicrës ka theksuar se synimi aktual është që këto mundësi të shndërrohen në përfitime konkrete për qytetarët dhe bizneset. «Mezi presim të shohim zhvillimin e këtij kapitulli të ri në marrëdhëniet ndërmjet EFTA-s dhe Kosovës!», thuhet në njoftimin e ambasadës.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar