Teatri për Fëmijë dhe të Rinj në Shkup pa objekt — rrezikohet mbijetesa
Drejtoresha Zarije Jonuzi Çeliku theksoi gjithashtu vështirësitë që sjell konkurrenca e internetit dhe teknologjisë për tërheqjen e publikut të ri.
SHKUP — Teatri për Fëmijë dhe të Rinj po përballet me sfida të mëdha për mbijetesë, ku problemi kryesor mbetet mungesa e një objekti të vetin për zhvillimin e aktiviteteve. Drejtoresha e këtij institucioni, Zarije Jonuzi Çeliku, ka shpjeguar vështirësitë në emisionin e bisedave #TROÇ, duke theksuar nevojën për mbështetje.
Sipas drejtoreshës Çeliku, edukimi i hershëm i fëmijëve me shfaqjet teatrale krijon një traditë dhe kulturë që do të reflektohet në të ardhmen e tyre. Ajo nënvizoi se ky institucion luan një rol kyç në përgatitjen e publikut të ardhshëm që do të përcjellë dhe vlerësojë vlerat kulturore në vend.
Gjatë bisedës u diskutua edhe gara e fortë që po zhvillohet sot mes skenës së teatrit dhe internetit. Çeliku shpjegoi se teknologjia mbetet një sfidë e vazhdueshme për tërheqjen e audiencës së re në sallat e shfaqjeve.
Burim: Portalb
— Redaksia ZHURMA
