Çfarë zbulon 'Teatri i Abs'kurtit' mes renovimeve pa fund dhe krizave zgjedhore?
Artisti I Am I e kthen Teatrin Kombëtar nën skele dhe tri palë zgjedhje brenda vitit në të njëjtën metaforë: një republikë e bllokuar në reprizë.
PRISHTINË — Artisti I Am I prezantoi ndërhyrjen artistike "TEATRI I ABS'KURTIT – repriza e 4-tërt", një vepër që trajton teatrin dhe shtetin si dy rrënoja të "restauruara" paralelisht, pa arritur kurrë të funksionalizohen. Teatri Kombëtar vazhdon të qëndrojë nën skele dhe afate të shtyra, me miliona euro shtesë të harxhuara.
Tri palë zgjedhje brenda një viti dhe renovimi i teatrit prej tre mandatesh prodhojnë të njëjtën metaforë politike: një republikë që jeton vetëm si reprizë e krizës. Artisti argumenton se demokracia është shndërruar në "mekanizëm ritual të riciklimit të kolapsit", ndërsa papërfundueshmëria është bërë mekanizëm qeverisës.
Sipas I Am I, institucionet nuk funksionojnë — ato improvizojnë ekzistencën e tyre. Shteti dhe teatri ndajnë të njëjtën skenë të rrënuar dhe japin repriza të pafundme të së njëjtës dramë politike.
Burim: Nacionale
— Redaksia ZHURMA
