Taravari thotë se shqiptarët në qeverinë e Mickosit janë vetëm një dekor – një ministri
Kryetari i Aleancës për Shqiptarët akuzon kryeministrin maqedonas se përdor koalicionin VLEN si instrument politik.
SHKUP — Kryetari i Aleancës për Shqiptarët, Arben Taravari, ka lëshuar kritika të ashpra ndaj përfaqësuesve shqiptarë që shërbejnë në qeverinë e Maqedonisë së Veriut, duke i quajtur ata thjesht si një dekor politik për kryeministrin Hristijan Mickoski. I ftuar në emisionin “Këndi i Debatit” në Tëvë1, Taravari ka theksuar se pushteti aktual e ka reduktuar ndjeshëm peshën e shqiptarëve në ekzekutiv.
Sipas tij, ndërsa në qeveritë e kaluara kishte gjashtë ministra shqiptarë, tashmë ka mbetur vetëm një i tillë, çka sipas kreut të ASH-së dëshmon qasjen e kryeministrit maqedonas se “shqiptarëve ua kam treguar vendin”. Ai ka rikujtuar gjithashtu se kauza e formimit të koalicionit VLEN ishte ndryshimi dhe largimi i BDI-së në opozitë, por qasja e qeverisë ndryshoi më pas, duke detyruar partinë e tij të largohej nga pushteti.
Burim: Gazeta Blic
— Redaksia ZHURMA
