Takimi Shasivari-Le Rigoler: Franca mbështet reformat dhe integrimin

Ministri i Drejtësisë, Jeton Shasivari, realizoi takim me ambasadorin e Republikës së Francës në Maqedoninë e Veriut, Christophe Le Rigoler, ku u konfirmuan bashkëpunimi i shkëlqyer dhe përkushtimi i përbashkët për avancimin e sundimit të ligjit dhe integrimin evropian të vendit.

Ministri Shasivari theksoi gatishmërinë e plotë të Ministrisë së Drejtësisë për zbatimin e përshpejtuar të reformave në përputhje me rekomandimet e Komisionit Evropian dhe detyrimet e lidhura me Klasterin 1 – Vlerat Fundamentale.

Gjithashtu, u veçua mbështetja franceze përmes angazhimit ekspert të Cécile Maroni, e cila ofron mbështetje profesionale për Ministrinë e Drejtësisë në procesin e integrimit evropian. Në takim u diskutua edhe për bashkëpunimin në fushën e drejtësisë klimatike dhe mjedisore, në kuadër të projektit rajonal „Konvergjenca e drejtësisë klimatike dhe mjedisore“ (CEJ Convergence).

Burimet: Zhurnal.mk (klaster 1 outlets).