Sylë Daka identifikohet si viktima e të shtënat në Suharekë
Identifikohet viktima e të shtënave në Suharekë, ndërsa i dyshuari ndodhet në paraburgim
Redaksia ZHURMA · · 1 min lexim
SUHAREKË — Personi që humbi jetën si pasojë e të shtënave me armë zjarri në parkingun e një qendre tregtare në Suharekë është Sylë Daka nga fshati Vrëshec. Ngjarja ndodhi pas një mosmarrëveshjeje të çastit, ndërsa viktima dyshohet se u qëllua në prani të bashkëshortes dhe vajzës së tij të mitur, duke ndërruar jetë si pasojë e plagëve të marra pavarësisht përpjekjeve për t’i shpëtuar jetën.
I dyshuari për vrasjen, Rrahman Hoti, është arrestuar nga Policia dhe Prokuroria Themelore në Prizren ka njoftuar se ai është ndaluar për 48 orë. Sipas detajeve të siguruara, Hoti dyshohet se kishte një të kaluar kriminale në Zvicër, prej nga ishte dëbuar pasi kishte vuajtur burgim për vrasjen e bashkëshortes së tij. Pas ngjarjes në Suharekë, ai ishte larguar nga vendi i ngjarjes, por u identifikua dhe u vu në pranga, ndërsa hetimet për zbardhjen e plotë të rrethanave vazhdojnë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar