Syla: UÇK-istët u dënuan nga gjykatë 100% politike

Ish-këshilltari i ish-presidentit Hashim Thaçi, Ismail Syla, ka kritikuar gjykatën e Hagës për dënimin e katër ish-krerëve të UÇK-së, duke thënë se ata u dënuan në mënyrë paradoksale nga një gjykatë plotësisht politike. Syla ka bërë me dije se Hashim Thaçi, Kadri Veseli, Jakup Krasniqi dhe Rexhep Selimi janë dënuar pa prova, duke përdorur një formulim juridik të tmerrshëm dhe vrastar, siç është ndërmarrja e përbashkët kriminale.

Syla, në një intervistë për Edicionin Special në Klan Kosova, ka thënë se gjykimi ishte vërtet drastik, sepse liderët u gjykuan nga një gjykatë që ai e përshkruan si 100 për qind politike. Ai ende beson se gjykata nuk ka pasur provat e duhura për të dënuar ata.