Lela Seferi lë Gjermaninë për një super projekt televiziv në Kosovë

Ish-konkurrentja e Big Brother VIP Kosova, Lela Seferi, ka njoftuar se do të lërë Gjermaninë për t'u rikthyer në Kosovë për shkak të një mundësie të re në televizion. Lajmin e ka ndarë me ndjekësit përmes rrjeteve sociale, ku ka paralajmëruar një angazhim të ri televiziv.

«Bye Bye Gjermani. Jam duke u kthyer në Kosovë për një super projekt. Shihemi shumë shpejt në TV», ka shkruar ajo në postimin e saj, pa zbuluar ende detaje shtesë nëse bëhet fjalë për një format të njohur apo një projekt krejtësisht të ri.

Ky zhvillim vjen pas periudhës kur ajo ka qenë në qendër të vëmendjes për jetën private, pasi ka konfirmuar ribashkimin me këngëtarin Leo. Dyshja u rikthyen në vëmendje pas publikimit të pamjeve të përbashkëta gjatë pushimeve, shfaqjes së Lelës në videoklipin e këngës «Don» të Leos, si dhe konfirmimit përfundimtar përmes një kolazhi me momente romantike në rrjetet sociale.