Sulmohet polici gjatë kontrollit në Hajvali — të dyshuarit lirohen
Dy shtetas të Kosovës pengojnë policë gjatë kontrollit
PRISHTINË — Një polic është sulmuar fizikisht nga një i dyshuar gjatë kryerjes së detyrës zyrtare në Hajvali të Prishtinës. Si pasojë e sulmit, polici ka pësuar lëndime trupore dhe ka pranuar trajtim mjekësor.
Rasti është shënuar të enjten pas mesnate, më 30.07.2026. Sipas Policisë, dy të dyshuar, shtetas të Kosovës, kanë penguar zyrtarët policorë gjatë kontrollit të shtëpisë së tyre, derisa njëri prej tyre dyshohet edhe se ka sulmuar fizikisht njërin polic.
Me vendim të prokurorit, pas intervistimit, të dyshuarit janë liruar në procedurë të rregullt, ndërsa rasti është iniciuar si “Pengim i personit zyrtar në kryerje të detyrës”.
Burim: Kallxo, https://kallxo.com/lajm/sulmohet-fizikisht-nje-polic-ne-prishtine/
— Redaksia ZHURMA