Pse u sulmua vajza 12-vjeçare në Shkup?

Ministria e Punëve të Brendshme (MPB) njoftoi se është zbardhur plotësisht rasti i sulmit fizik ndaj një vajze 12-vjeçare, i cili ndodhi më 30 qershor 2026, rreth orës 21:40, në një park në lagjen Aerodrom të Shkupit. Sipas MPB-së, vajza ishte sulmuar fizikisht nga disa të mitura, ndërsa disa të mitur të tjerë që ndodheshin në vendngjarje e kishin filmuar incidentin me telefonat e tyre celularë. Pas hetimeve të zhvilluara nga njësitë kompetente të MPB-së në bashkëpunim me Prokurorinë Publike të Shkupit, janë ngritur kallëzime penale ndaj katër të miturve dhe pesë prindërve.

Dy vajza të mitura ngarkohen me veprën penale 'dhunë', ndërsa një i mitur akuzohet për nxitje dhe incizim të paautorizuar. Një tjetër i mitur përballet me akuzën për incizim të paautorizuar, pasi ngjarja ishte regjistruar me telefona celularë. Kallëzime penale janë ngritur edhe ndaj pesë prindërve për veprën penale 'braktisje dhe keqtrajtim i fëmijës' , në përputhje me dispozitat e Kodit Penal.

— Burim: Shenja, https://shenja.tv/zbardhet-rasti-me-dhunen-ndaj-te-mitures-ne-aerodrom-ngritet-kallezim-penal-ndaj-kater-femijeve-dhe-pese-prinderve