Shqipëria synon rrugë më të sigurta me Strategjinë Kombëtare 2026-2030
Ministria e Infrastrukturës dhe Energjetikës e përgatiti dokumentin që kërkon përputhje me standardet e BE-së dhe mbrojtje më të madhe për këmbësorët dhe çiklistët.
Redaksia ZHURMA · · 1 min lexim
TIRANË — Strategjia e re Kombëtare për Sigurinë Rrugore 2026-2030, e përgatitur nga Ministria e Infrastrukturës dhe Energjetikës bashkë me institucionet e linjës, vendos si objektiv kryesor uljen e numrit të viktimave nga aksidentet rrugore deri në fund të dekadës, në përputhje me standardet e Bashkimit Evropian.
Dokumenti parashikon ndërtimin e infrastrukture më të sigurta, me mbrojtje të rritur për këmbësorët, çiklistët dhe motoçiklistët, forcimin e kontrolleve rrugore dhe respektimin e rregullave të qarkullimit, si dhe rritjen e përdorimit të rripave të sigurimit, helmetave dhe sistemeve për fëmijët.
Strategjia synon gjithashtu përmirësimin e mbledhjes dhe analizës së të dhënave për aksidentet, në funksion të politikave më efektive dhe ndërhyrjeve të bazuara në evidencë, duke shoqëruar masat me fushata për rritjen e ndërgjegjësimit të qytetarëve dhe zbatimin më të fortë të ligjit rrugor.
"Çdo jetë e shpëtuar është një hap më pranë një Shqipëri me rrugë më të sigurta për të gjithë", theksohet në dokument, ku qeveria përcakton se me zbatimin e kësaj strategjie synohet të afrohet Shqipëria standardeve më të mira evropiane në fushën e sigurisë rrugore.
Burim: ATSH
— Redaksia ZHURMA
