Spital i ri ndërtohet në Kërçovë me 22 milionë euro
Për tre deri në gjashtë muaj pritet të nënshkruhet marrëveshja me Bankën Botërore; qytetarët mbeten skeptikë pas dekadash premtimesh.
KËRÇOVË — Qeveria maqedoniane do të ndërtojë një spital të ri në Kërçovë, me një investim prej 22.5 milionë euro, sipas paralajmërimit të Qeverisë. Objekti do të vendoset në hyrje të qytetit, afër Kazermës, përgjatë rrugës magjistrale. Për tre deri në gjashtë muaj pritet të nënshkruhet marrëveshja me Bankën Botërore për realizimin e projektit.
Spitali i ri do të ketë kapacitet prej 80 deri në 120 shtretër, pajisje moderne medicinale, kushte bashkëkohore për diagnostifikim dhe shërbime specialistike. Sipas zëvendësministrit të Shëndetësisë, Jovica Andovski, këtë problem do ta zgjidhim seriozisht dhe të ofrojmë një zgjidhje të përhershme dhe funksionale.
Qytetarët e Kërçovës mbeten skeptikë pas dekadash premtimesh që nuk u mbajtën. "Çfarë të reje, 30 vjet po ndërtohet, çfarë e reje 100 qeveri janë ndërruar", thonë ata. Ndërkohë, sipas kryetarit Aleksandar Jovanovski, objekti ekzistues 40-vjeçar do të shfrytëzohet si shtëpi për të moshuarit dhe për fëmijë me nevoja të veçanta.
Burim: Telegrafi
— Redaksia ZHURMA
