Spiropali: S’kam turpëruar PS-në, brenda ka abuzues me pushtetin
Propozimi i kryeministrit Edi Rama për përjashtimin e Elisa Spiropalit nga Partia Socialiste nuk u hodh në votim gjatë mbledhjes me dyer të mbyllura të Asamblesë Kombëtare.
Redaksia ZHURMA · · 1 min lexim
Gjatë mbledhjes me dyer të mbyllura të Asamblesë Kombëtare të Partisë Socialiste, kryeministri Edi Rama kërkoi përjashtimin e ish-ministres dhe ish-kryetares së Kuvendit, Elisa Spiropali, duke e kundërshtuar për qëndrimet e saj kritike ndaj drejtimit të forcës politike. Sipas burimeve, Rama iu drejtua asaj me fjalët se ajo nuk mund t'i gjuajë shtëpisë së vet me gurë.
Nga ana e saj, Spiropali reagoi me tone të forta para anëtarëve, duke refuzuar të tërhiqet nga qëndrimi i mbajtur dhe duke theksuar se me veprimet e saj nuk e ka dëmtuar imazhin e partisë. Ajo u shpreh se në radhët e partisë ka persona që kanë abuzuar me pushtetin, ndërsa propozimi për largimin e saj përfundimisht nuk u hodh në votim, duke e lënë atë ende anëtare të forcës politike.
