Debati në Asamblenë e PS-së, Rama dhe Spiropali përplasen për ministrat

Gjatë mbledhjes së Asamblesë Kombëtare të Partisë Socialiste janë zbuluar detaje nga diskutimet dhe përplasja mes kryeministrit Edi Rama dhe Elisa Spiropalit, ku në qendër ka qenë qëndrimi kritik i ish-ministres ndaj disa anëtarëve të qeverisë. Sipas burimeve, Rama e ka nisur fjalën e tij me një referencë historike për marrëdhënien mes tyre, duke thënë se «Unë për ty kam qenë Skënderbeu, ti për mua Mamica, por nuk mund t’i gjuash shtëpisë me gur».

Nga ana e saj, Spiropali është përgjigjur duke theksuar se ajo është dakord me qëndrimet e kryeministrit, por ka shtuar se ka ngritur zërin për mënyrën se si janë zgjedhur disa ministra të caktuar. Diskutimet në Asamble kanë sjellë në vëmendje edhe qëndrimet e mëparshme rreth zhvillimeve brenda forcës politike.