Pse vazhdon Specialja paraburgimin e Veselit dhe Krasniqit?
Gjykata Speciale konstaton se vazhdojnë rreziqet e pengimit të procesit ose kryerjes së veprave të tjera penale.
Redaksia ZHURMA · · Përditësuar · 1 min lexim
HAGË — Trupi Gjykues në çështjen "Thaçi dhe të tjerët" urdhëroi vazhdimin e paraburgimit të Kadri Veselit dhe Jakup Krasniqit, njofton Specialja. Vendimi u mor gjatë rishikimit të fundit të paraburgimit më 15 maj 2026.
"Trupi Gjykues konstatoi se vazhdojnë të ekzistojnë rreziqet që të akuzuarit mund të pengojnë ecurinë e procesit ose të kryejnë vepra penale të tjera", thuhet në njoftim.
Më 5 maj 2026, i njëjti trup gjykues kishte shtyrë afatin për shqiptimin e aktgjykimit me 60 ditë, deri më 20 korrik 2026, duke iu referuar sasisë së provave dhe kompleksitetit të procesit. Trupi Gjykues la të hapur mundësinë e një shtyrjeje të mëtejshme "nëse do të jetë absolutisht e domosdoshme".
Burim: Zëri, http://www.zeri.info/aktuale/622848/specialja-i-vazhdon-paraburgimin-veselit-dhe-krasniqit/
— Redaksia ZHURMA
