Si përballet Jehona Krasniqi-Morina me të kaluarën në 'Rrugëtimi'?
Ish e burgosura nga Lipjani thotë se nuk kërkon hakmarrje, por dënimin e merituar për ata që kanë keqpërdorur pushtetin.
PRISHTINË — Ish e burgosura në Burgun e Lipjanit, Jehona Krasniqi-Morina, përballet me të kaluarën duke rrëfyer haptazi dhimbjen dhe duke kërkuar jo hakmarrje, por dënimin e merituar për ata që kanë keqpërdorur pushtetin mbi të pambrojturit. Rrëfimi vjen në episodin e pestë të podcastit Rrugëtimi.
“Në atë moment m'u duk qe i gjithë burgu ra mbi mua,” thotë ajo, duke kujtuar një nga momentet më të rënda të jetës së saj, të lidhur me procesin gjyqësor që ka rikthyer në sipërfaqe plagë të vjetra të luftës.
Episodi nuk është vetëm rrëfim vuajtjeje, por rrëfim guximi, dinjiteti dhe drejtësie. Ajo flet edhe për familjen, nënën dhe jetën pas luftës, si dhe forcën për ta kthyer dhimbjen në pikënisje të re.
Burim: Telegrafi
— Redaksia ZHURMA
