Si mund të formohen institucionet mes mosbesimit partiak?

PRISHTINË — Juristi Kolë Krasniqi ka vlerësuar se klima politike në vend karakterizohet nga mungesa e besimit mes partive, duke theksuar se rezultati i zgjedhjeve e bën të domosdoshëm një koalicion ose marrëveshje për formimin e institucioneve.

I ftuar në emisionin "FIVE" të Dukagjinit, Krasniqi tha se retorika e fundit e përfaqësuesve të partisë fituese dhe të opozitës tregon një nivel të lartë mosbesimi mes tyre. Sipas tij, i njëjti rezultat zgjedhor sjell edhe një dozë zhgënjimi te opinioni i përgjithshëm zgjedhor.

Krasniqi paralajmëroi se mosformimi i institucioneve sjell pasoja në shumë fusha, ndërsa theksoi se interesi i qytetarëve është që të gjendet sa më shpejt një zgjidhje. Vetë qytetarët janë të zhgënjyer nga dalja në zgjedhje, tha ai, dhe subjektet politike duhet ta kenë këtë parasysh.

Sipas Krasniqit, pasoja e mosformimit të institucioneve janë të gjithanshme, prandaj interesi i qytetarëve kërkon detyrimisht një zgjidhje të shpejtë. Partitë politike, shtoi ai, duhet ta kenë prioritet interesin nacional dhe jo atë partiak e personal.

"Interesi institucional kërkon detyrimisht koalicion dhe zgjidhje", tha Krasniqi, duke shtuar se "gjithmonë ka rrugëdalje, pasi ka personalitete që janë të denjë dhe kanë prioritet interesin shtetëror në udhëheqje të shtetit".

Deklarata e Krasniqit vjen ndërkohë që bisedimet për institucionet funksionale vazhdojnë mes aktorëve politikë, ndërsa Kosova mbetet pa institucione të reja pas zgjedhjeve të parakohshme. Pa një koalicion a marrëveshje mes palëve, mungesa e besimit mes partive rrezikon ta zgjasë edhe më shumë ngërçin institucional.

Burim: Gazeta Dukagjini
— Redaksia ZHURMA