William Walker i propozon katër liderëve të Kosovës Faton Bislimin për president

Ish-ambasadori amerikan William G. Walker u ka dërguar letra katër liderëve politikë në Kosovë, Albin Kurtit, Lumir Abdixhikut, Bedri Hamzës dhe Ardian Gjinit, duke propozuar Faton Bislimin si kandidat për presidentin e ardhshëm të vendit.

Sipas letrave të siguruara nga Kanal10, Walker ka shprehur shqetësim rreth ngërçit në procesin kushtetues për zgjedhjen e një presidenti të ri. Ai vlerëson se Kosova ka nevojë për një figurë me cilësi të jashtëzakonshme, përvojë ndërkombëtare dhe përkushtim ndaj vendit, duke besuar se Bislimi i plotëson këto kritere.

Walker ka përmendur gjashtë cilësi që e bëjnë Bislimin të përshtatshëm për këtë pozitë, duke përfshirë njohjen e botës jashtë Kosovës, përgatitjen akademike, zotërimin e gjuhëve, njohjen e thellë të historisë dhe zhvillimeve politike të Kosovës, personalitetin, si dhe mundësinë e pranimit si kandidat konsensual.