Glauk Konjufca deklarohet i pafajshëm në rigjykimin për gazin lotsjellës
Ministri në detyrë i Punëve të Jashtme deklarohet i pafajshëm në rigjykimin për hedhjen e gazit lotsjellës në Kuvend.
Redaksia ZHURMA · · Përditësuar · 1 min lexim
Glauk Konjufca është deklaruar se nuk ndihet fajtor në rigjykimin ndaj tij për hedhjen e gazit lotsjellës në Kuvendin e Kosovës në kohën kur ishte deputet. Gjatë seancës, ai tha: “Jo nuk ndihem fajtor”. Prokurori Dardan Qela deklaroi se Prokuroria e Shtetit mbetet prapa aktakuzës për veprën penale të përdorimit të armës apo mjetit të rrezikshëm. Më parë, Gjykata Themelore në Prishtinë më 26 shkurt 2024 kishte shpallur aktgjykim lirues, por Gjykata e Apelit e rrëzoi vendimin dhe ktheu rastin në rigjykim.
