Si do t'i punësojë Shqipëria zyrtarët e saj në institucionet e BE-së?
Pse qeveria shqiptare do të nënshkruajë një marrëveshje me Komisionin Europian në shtator?
TIRANË — Ministrja e Shtetit për Administratën Publike dhe Antikorrupsionin, Adea Pirdeni, ka njoftuar se në shtator qeveria shqiptare do të nënshkruajë një marrëveshje me Komisionin Europian për të mundësuar punësimin afatshkurtër të zyrtarëve publikë shqiptarë në institucionet e Bashkimit Evropian.
Sipas Pirdenit, kjo nismë synon zhvillimin e kapaciteteve të administratës publike dhe përafrimin e Shqipërisë me standardet evropiane para anëtarësimit. "Do nënshkruajmë një marrëveshje me KE për të lejuar që zyrtarët tanë të punojnë për periudha të caktuara kohe pranë BE-së," deklaroi ajo, duke theksuar se kjo hapësirë do të ndihmojë në rritjen profesionale të zyrtarëve.
Përveç kësaj, qeveria ka miratuar një vendim që përcakton kriteret për dhënien e shpërblimeve dhe çmimeve për zyrtarët publikë, duke përfshirë vlerësime për inovacion në administratë. "Kemi vendosur një bazë për të shpërblyer zyrtarët që kontribuojnë në plotësimin e piketave mbyllëse me BE-në," shtoi Pirdeni.
Marrëveshja me KE dhe vendimi për shpërblime janë pjesë e iniciativave që synojnë forcimin e administratës publike dhe përgatitjen e Shqipërisë për integrimin evropian. Pse imuniteti i deputetëve pengon hetimet e SPAK-së? dhe sfidat e tjera institucionale mbeten në qendër të debatit.
Burim: Gazeta Tema
— Redaksia ZHURMA