Shtyhet seanca për dosjen “Partizani” pas bojkotit të avokatëve

Seanca gjyqësore në themel për dosjen “Partizani” është shtyrë me dy javë, për shkak të mungesës së të gjithë avokatëve mbrojtës, të cilët i janë bashkuar bojkotit. Seanca e radhës për këtë çështje është caktuar zyrtarisht për më 28 shtator.

Shkak për këtë bojkot është bërë rregullorja që u ndalon avokatëve hyrjen në ambientet e gjykatës me telefona celularë, ndërkohë që gjatë seancës u vu re se treshja e gjyqtarëve kishte telefona. Në dosjen “Partizani”, Sali Berisha akuzohet nga SPAK për korrupsion pasiv të funksionarëve të lartë shtetërorë, në bashkëpunim.