Kur mbyllen kapitujt e para?

Më 14 korrik në Bruksel do të mbahet konferenca e nëntë ndërqeveritare Shqipëri–BE, e cila do të shënojë mbylljen e 3 kapitujve të parë të negociatave për anëtarësim. Kryeministri Edi Rama paralajmëroi lajmin pasi Komiteti i Përfaqësuesve të Përhershëm të Shteteve Anëtare (COREPER) miratoi sot Pozicionin e Përbashkët të BE-së për mbylljen provizore të negociatave për kapitujt 25, 26 dhe 30.

Kapitulli 25 përfshin Shkencën dhe Kërkimin, kapitulli 26 Arsimin dhe Kulturën, ndërsa kapitulli 30 Marrëdhëniet me Jashtë. Shqipëria konsiderohet plotësisht e njësuar me standardet e BE-së në këto fusha, sipas vlerësimit të institucioneve evropiane.

Rama jepi lajmin përmes rrjeteve sociale duke përdorur simbolin e flamingos si përgjigje ndaj protestës që vazhdon në Tiranë më shumë se 40 ditë. “Shqipëria nuk ndalet! Thanë negociatat u bllokuan, thanë Samiti i NATO-s u anulua, thanë qeveria u rrëzua, thanë ç’nuk thanë e gjë pa thënë s’do të lënë, sepse puna e tyre janë llafet ndërsa fjala jonë është puna”, shkroi kryeministri.

Kjo paraprak vjen pasi Shqipëria kaloi pikët e ndërmjetme (IBAR) dhe pas konferencës të 8-të ndërqeveritare të 26 maj, kur COREPER konfirmoi plotësimin e Kushteve të Ndërmjetme në Grupkapitullin “Themelorët” dhe përcaktoi Kushtet për Mbylljen e Kapitullit 23 “Gjyqësori dhe të Drejtat Themelore” dhe Kapitullit 24 “Drejtësia, Liria dhe Siguria”.

Me mbylljen e 3 kapitujve të parë, Shqipëria duhet tani të përmbushë kushtet e mbylljes edhe për 30 kapitujt e mbetur, që të arrijë objektivin e dakordësuar me BE-në për përfundimin e procesit teknik brenda vitit 2027. Më pas vendimi do të jetë plotësisht politik dhe rruga drejt anëtarësimit do të kërkojë ratifikimin nga parlamentet e 27 vendeve anëtare të Unionit.

Burim: Shqiptarja, shqiptarja.com

— Redaksia ZHURMA