Shqipe Mehmeti-Selimi përkujton gjashtëvjetorin e arrestimit të bashkëshortit

Deputetja e Lëvizjes Vetëvendosje, Shqipe Mehmeti-Selimi, ka shënuar përvjetorin e gjashtë të arrestimit të bashkëshortit të saj, Rexhepit, nga Zyra e Prokurorit të Specializuar në Hagë. Me rastin e kësaj dite, ajo ka publikuar pjesë nga fjala e tij e mbajtur më parë para Gjykatës Speciale, duke shtuar se Ushtria Çlirimtare e Kosovës do të jetë përgjithmonë.

Në mesfjalimin e shpërndarë nga bashkëshortja e tij, theksohej gatishmëria për sakrificë dhe mbrojtja e vendit. «Koha se kur do të kthehem në Kosovë tash e tutje varet nga vendimi juaj, por Prokuroria duhet ta kish kuptuar se, kurdo që të kthehem, unë do të kthehem në Kosovën e lirë, në Kosovën për të cilën jam krenar që i kam dalë zot në kohën më të duhur dhe për lirinë e së cilës kam qenë dhe mbetem i gatshëm ta jap edhe jetën, sa herë që do të kërkohej nga unë,» thuhej në fjalimin e ndarë në rrjete sociale.